प्रकाशपर्व न्युज – एक लढवय्या प्रवासाची सुरुवात – १० मे २०१८ हा दिवस आम्हा सर्वांसाठी एक ऐतिहासिक क्षण ठरला. समाज परिवर्तनाच्या लढ्यात अखंडपणे झगडणाऱ्या आणि लाखो वंचितांचे आधारस्तंभ ठरलेल्या डॉ. बाबासाहेब आंबेडकर यांचे नातू आणि वंचित बहुजन आघाडीचे राष्ट्रीय अध्यक्ष आदरणीय ऍड. प्रकाश (बाळासाहेब) आंबेडकर यांच्या शुभहस्ते “प्रकाशपर्व न्युज” या डिजिटल माध्यमाचे उद्घाटन झाले आणि एका नव्या युगाचा प्रारंभ झाला.

“प्रकाशपर्व” हे नावच स्वतः एक आशय घेऊन येते — अंध:कारातून प्रकाशाकडे, अज्ञानातून जाणीवेकडे, उपेक्षेपासून सन्मानाकडे आणि अन्यायातून न्यायाकडे वाटचाल करणारा प्रवास. ही चळवळ माध्यमांच्या माध्यमातून घडवायची होती — म्हणूनच ‘प्रकाशपर्व न्युज’चा जन्म झाला.