नागपूर: अंकित फार्मा कंपनीत स्फोट, एक ठार – पाच जखमी
नागपूर (१७ जून): शहरातील अंकित फार्मा कंपनीमध्ये आज सकाळी सुमारे ११ वाजता अचानक स्फोट झाल्याने परिसरात एकच खळबळ उडाली. या दुर्घटनेत एक कामगार जागीच ठार झाला असून पाच जण गंभीर जखमी झाले आहेत. जखमींना तात्काळ नजीकच्या रुग्णालयात दाखल करण्यात आले आहे.
स्फोटाच्या आवाजाने परिसर हादरून गेला. अग्निशमन दलाने तत्काळ घटनास्थळी धाव घेत आग आटोक्यात आणली. प्राथमिक माहितीनुसार, स्फोट रासायनिक प्रक्रियेवेळी झाल्याचा अंदाज व्यक्त केला जात आहे.
पोलीस आणि प्रशासन यांच्याकडून तपास सुरू असून कंपनीच्या सुरक्षाव्यवस्थेवर प्रश्नचिन्ह उपस्थित झाले आहेत.
– दीपक हिवराळे, प्रतिनिधी, बुलढाणा जिल्हा
